काठमाडौं, १९ जेठ - पाटन उच्च अदालतले ललितपुरका मेयर चिरिबाबु महर्जनको नाममा कारण देखाउ आदेश जारी गरेको छ । जित्नुको कारण देखाउन भन्दै कारण देखाउ आदेश जारी गरेको हो ।
ललितपुर महानगरपालिकामा नेकपा एमालेबाट मेयरका उम्मेदवार हरिकृष्ण व्यञ्जनकारले दायर गरेको मुद्दामा कारण देखाउ आदेश आएको हो ।
शुक्रबार उच्च अदालत पाटनका न्यायाधीश किशोर सिलवालको एकल इजलासले महर्जनका नाममा कारण देखाउ आदेश जारी गरेको हो ।
महानगरको मेयर पदमा मतगणना गर्दा आफूलाई बदनियत पूर्वक हराईएको र पटकपटक आफूले मतगणनाकै क्रममा दिएको निवेदनको समेत सुनुवाई नभएको भन्दै उनले उच्च अदालत पाटनमा फिराद पत्र दायर गरेका थिए ।
उनले मुख्य निर्वाचन अधिकृतको कार्यालयलाई विपक्षी बनाएर रिट हालेका थिए ।
