३१ जेठ २०८३, आइतबार
क्यानडाको ओन्टारियोमा पैदल हिँडिरहेका मुस्लिम परिवारका पाँचजनालाई एक व्यक्तिले ट्रकले किचेका छन् ।
घटनामा चारजनाको मृत्यु भएको छ भने एकजना गम्भीर घाइते छन् । घाइतेको उपचार चलिरहेको छ ।
परिवार मुसलमान भएकै कारण ती व्यक्तिले तारो बनाएको बताइएको छ ।
परिवारले मृतक तथा घाइतेको नाम नखोल्न प्रहरीसमक्ष अनुरोध गरेको छ ।
हत्याका आरोपित नाथानियल वेल्टम्यानले पीडितहरूलाई पहिलेदेखि नै चिनेको थिएन । उसले इस्लामिक वस्त्र लगाएको परिवार देखेपछि जातिघृणा व्यक्त गर्दै हत्या गरेको हो ।
हत्या गरेर फरार वेल्टम्यानलाई प्रहरीले एउटा मलको पार्किङ क्षेत्रबाट पक्राउ गरेको थियो ।
