१० साउन २०८३, आइतबार
भारतको उत्तर प्रदेशमा भारतीय जनता पार्टीका प्रमुख स्वतन्त्र देव सिंहले मुख्यमन्त्रीका रूपमा योगी आदित्यनाथलाई नै अघि सारेर अर्को वर्षको विधानसभा निर्वाचन लड्ने बताएका छन् ।
‘उत्तर प्रदेशको चुनाव योगीजीको नेतृत्वमा नै लडिनेछ,’ उनले भने ।
चुनावअघि नेतृत्व परिवर्तन गरिने भनी चलेका अनुमानलाई यस भनाइले विराम लगाइदिएको छ ।
भाजपामा प्रधानमन्त्री नरेन्द्र मोदीको निकट मानिने पूर्व सरकारी कर्मचारी एके शर्मालाई राज्यको मन्त्रिपरिषदमा स्थान दिने र महत्त्वपूर्ण जिम्मेवारी सुम्पिने हल्ला चलेको थियो । उनले योगी आदित्यनाथलाई विस्थापित गर्ने अनुमान थियो ।
सिंहका अनुसार, पार्टी कार्यकर्ताहरूलाई राज्यभरि छरिन भनिएको छ र मोदी तथा योगीकै अनुहार देखाएर चुनाव लड्नका लागि माहोल बनाउन भनिएको छ ।
पार्टी कार्यकर्ताहरू गाउँगाउँ जानेछन् र मोदी तथा योगी सरकारको कार्यक्रम र उपलब्धिलाई हाइलाइट गर्नेछन् । पार्टी कामदारहरूको कठोर मेहनतमा निर्भर रहनेछ ।
स्वतन्त्र देव सिंहले योगी सबभन्दा लोकप्रिय तथा मेहनती मुख्यमन्त्री भएको भन्दै प्रशंसा गरेका छन् ।
