०५ असार २०८३, शुक्रबार
फेसबूकका संस्थापक मार्क जकरबर्गले कानलाई चर्को आवाजबाट जोगाउने ईयर प्रोटेक्टर राखेर भाला हानेको स्लो मोसन भिडियो अप्लोड गरेपछि सामाजिक सञ्जालमा मजाक उडाइएको छ ।
उनले सोमवार उक्त भिडियो क्लिप यस्तो क्याप्सनका साथ राखेका हुन् : मसँग विशेष किसिमको क्षमता छ । टेकन भन्ने फिल्मको डाइलोग उनले राखेका हुन् ।
भाला हान्दा खासै आवाज आउँदैन अनि किन कान जोगाउने कुरो राख्नुपरेको हो भन्दै सामाजिक सञ्जालमा मार्कको मजाक उडाइएको हो ।
खासमा ईयर प्रोटेक्टर गोली चलाउने अभ्यासका क्रममा लगाइने गरिन्छ ।
यो भिडियो कहाँ खिचिएको भन्ने थाहा हुन सकेको छैन । जकरबर्गसँग क्यालिफोर्नियाको पालो अल्टो र हवाईमा घरजग्गा छन् ।
