०४ असार २०८३, बिहीबार
बाग्मती प्रदेशका सांसद नरोत्तम वैद्यको अभिव्यक्तिप्रति नेपाली कांग्रेसका नेताहरूबाटै विरोध भएको छ ।
कांग्रेसका प्रवक्ता विश्व प्रकाश शर्माले सडकमा पनि राख्नुपर्ने संयम संसदमा गुमाउन नपाइने बताएका छन् ।
उनले एक ट्वीट गर्दै आवेगको बोली र व्यवहार 'भावनात्मक उत्तेजना' भनेर उन्मुक्ति नहुने समेत बताएका छन् ।
उनले भनेका छन्,शब्द फिर्ता लिई आत्मालोचना गर्न पार्टीको निर्देशन रहन्छ ।
सडकमापनि राख्नुपर्ने संयम संसदमा गुमाउन पाइन्न ! आवेगको बोलि र ब्यवहार `भावनात्मक उत्तेजना´ भनेर उन्मुक्ति हुन्न l शब्द फिर्ता लिई आत्मालोचना गर्न पार्टीको निर्देशन रहन्छ l तर्कले आपत्तिजनक शब्द छोप्ने हाम्रो परम्परा छैन !
— Bishwa Prakash शर्मा (@bishwaprakash77) June 11, 2021
अभिव्यक्ति स्वतन्त्रता र अभिव्यक्तिमा अराजकता एउटै होइनl
पूर्व मन्त्री एवम् नेपाली कांग्रेसका नेता गगन थापाले बाग्मती प्रदेश सांसद नरोत्तम वैद्यले दिएको अभिव्यक्ति आपत्तिजनक रहेको भन्दै त्यो कसैलाई पनि स्विकार्य नहुने बताएका छन् ।
उनले शनिवार एक ट्वीट गर्दै अभिव्यक्ति फिर्ता लिनको लागि आग्रह गरेका छन् ।
अहिंसात्मक राजनीतिमा विश्वास गर्ने कांग्रेसमा संंघर्षमा मात्र हैन आलोचनामा पनि हिंसालाई कुनै स्थान नहुने उनले बताएका छन् ।
शुक्रवार बागमती प्रदेश सभामा बाेल्ने क्रममा वैद्यले गान्धी जस्तै प्रमकाे हत्या गर्नुपर्ने आसयको अभिव्यक्ति दिएका थिए ।
नरोत्तम वैद्यको प्रदेश सभाको अभिव्यक्ति हामी कसैलाई पनि स्विकार्य छैन।मलाई विश्वास छ, दलको नेताको निर्देशन अनुसार आत्मालोचना गर्दै आफ्नो अभिव्यक्ति अविलम्ब फिर्ता लिनुहुनेछ।अहिंसात्मक राजनीतिमा विश्वास गर्ने कांग्रेसमा संघर्षमा मात्र हैन आलोचनामा पनि हिंसालाई कुनै स्थान हुँदैन। https://t.co/dmVrPoFhmN
— Gagan Thapa (@thapagk) June 12, 2021
