गोरु काटेका अभियोगमा बागलुङको गलकोट नगरपालिका–११ ठुलपोखरका १० युवा पक्राउ परेका  छन् ।

पक्राउ पर्नेमा गलकोट–११ ठुलपोखरीका ३१ वर्षीय बिष्णु श्रीष, ३६ वर्षीय लालबहादुर श्रीष, ३२ वर्षीय  मोहन श्रीष, ३८ वर्षीय तुलबहादुर श्रीष र ३० वर्षीय यमबहादुर श्रीष छन् ।

यसैगरी, ३५ वर्षीय टंक सुनार, २६ वर्षीय मनोज श्रीष, ४१ वर्षीय झम काउच, २८ वर्षीय बलबहादुर विक  र ४४ वर्षीय वेलबहादुर श्रीष छन् ।

शुक्रवार राति गलकोट–११ ठुलपोखरी भन्ने स्थानमा गोरु काटेर मासु खाएको भन्ने सूचनाका आधारमा  उनीहरूलाई पक्राउ गरेको जिल्ला प्रहरी कार्यालयले जनाएको छ ।

शनिवार उनीहरूलाई जिल्ला सदरमुकाम झिकाइएको  कार्यालयका प्रहरी नायव उपरीक्षक इकवाल हवारीले जानकारी दिए ।