१५ असार २०८३, सोमबार
आफ्नो देशबाहिर गएर जीवन बिताउन र काम गर्नका लागि सर्वोत्कृष्ट देशहरूको सूची प्रकाशित भएको छ ।
ब्लूमबर्गमा प्रकाशित समाचारअनुसार, ताइवान, मेक्सिको र कोस्टारिका शीर्ष तीन स्थानमा छन् । जीवनयापनको खर्च, बसोबासको सहजता तथा उच्च जीवनस्तरका आधारमा मूल्यांकन गरिएको हो ।
कुल ५९ देशको सूचीमा अमेरिका ३४औं स्थानमा परेको छ । अमेरिकामा जीवनस्तरका विषयमा एक्सप्याटहरूको धारणा सोचेको जस्तो सकारात्मक नदेखिएको सर्वेक्षण प्रतिवेदनमा देखिएको हो ।
जर्मनीको म्युनिखमा रहेको एक्सप्याटहरूको संस्था इन्टरनेसन्सले १२ हजार ४२० जनामा गराएको सर्वेक्षणमा ताइवान लगातार तेस्रो वर्ष शीर्ष स्थानमा रहेको हो ।
ताइवानको स्वास्थ्य सेवा र उच्च जीवनस्तरलाई उनीहरूले सराहना गरेका हुन् । त्यहाँको सेवासुविधालाई ९६ प्रतिशत सहभागीले सकारात्मक मानेका छन् । अन्य ठाउँका लागि ७१ प्रतिशत मत आयो ।
ताइवानमा रोजगारी सुरक्षाबाट आफूहरू सन्तुष्ट रहेको र अन्य क्षेत्रको भन्दा स्थानीय अर्थतन्त्र राम्रो रहेको उनीहरूको धारणा छ ।
शीर्ष १० स्थानमा रहेका मुलुक यी हुन्:
१ ताइवान
२ मेक्सिको
३ कोस्टारिका
४ मलेसिया
५ पोर्चुगल
६ न्युजील्यान्ड
७ अस्ट्रेलिया
८ इक्वेडर
९ क्यानडा
१० भियतनाम
तल्लो स्थानमा रहेका १० मुलुक यी हुन्:
५९ कुवेत
५८ इटली
५७ दक्षिण अफ्रिका
५६ रुस
५५ इजिप्ट
५४ जापान
५३ साइप्रस
५२ टर्की
५१ भारत
५० माल्टा
