०१ असार २०८३, सोमबार
भारतका लागि नेपाली राजदूत निलाम्बर आचार्यले उपचारका लागि नयाँदिल्लीस्थित अपोलो अस्पताल पुगेका पूर्व प्रधानमन्त्री झलनाथ खनाललाई भेटेका छन् ।
खनाल र अस्पतालका चिकित्सकलाई भेटेर स्वास्थ्यस्थितिबारे कुराकानी भएको राजदूत आचार्यले जानकारी दिए ।
अपोलो अस्पतालमा बुधवारबाटै खनालको उपचार शुरू भएको आचार्यले सामाजिक सञ्जाल ट्विटरमार्फत जनाए ।
उनले ट्विटरमा लेखेका छन्, ‘पूर्व प्रधानमन्त्री झलनाथ खनालज्यूको उपचार प्रक्रिया दिल्लीको अपोलो अस्पतालमा आजैबाट शुरू भएको छ । उहाँसँग र उहाँको उपचारको नेतृत्व गरिरहेका डाक्टरसित भेटघाट र स्वास्थ्यस्थितिबारे कुराकानी भयो । उहाँको शीघ्र सफल उपचारको विश्वास छ र पूर्ण स्वास्थ्यलाभको हार्दिक कामना छ ।’
पूर्व प्रधानमन्त्री झलनाथ खनालज्यूको उपचार प्रक्रिया दिल्लीको अपोलो अस्पतालमा आजैबाट शुरू भएकोछ।
— Nilamber Acharya (@nilacharya) June 16, 2021
उहाँसंग र उहाँको उपचारको नेतृत्व गरिरहेका डाक्टरसित भेटघाट र स्वास्थ्यस्थितिबारे कुराकानी भयो।
उहाँको शीघ्र सफल उपचारको विश्वास छ र पूर्ण स्वास्थ्यलाभको हार्दिक कामना छ।
