०५ असार २०८३, शुक्रबार
अमेरिकाका राष्ट्रपति जो बाइडनले रुसका राष्ट्रपति भ्लादिमिर पुटिनसँगको शिखरवार्तापछि आयोजित पत्रकार सम्मेलनमा सीएनएनका एक पत्रकारलाई थर्काएका छन् ।
पुटिनले आफ्नो व्यवहार परिवर्तन गर्ने विषयमा किन तपाईंमा आत्मविश्वास छ भनी सीएनएनकी काइटलान कोलिन्सले सोध्दा विचलित भएका बाइडनले भने, ‘म आत्मविश्वासी छैन । के हो ताल, जतिखेर पनि के हो यो पारा ?’
कोलिन्सले बोल्न खोज्दा बाइडनले भने, ‘म आत्मविश्वासी छु भनेर कहिले भनें ?’
‘
ल, सीधासीधा कुरा गरौं,’ बाइडनले भने । ‘उनीहरूलाई बाँकी विश्वले प्रतिक्रिया दिएमा र विश्वमा उनीहरूको हैसियत घटेमा उनीहरूको व्यवहार परिवर्तन हुन्छ ।’
‘म केही कुरामा पनि विश्वस्त छैन,’ उनले थपे । ‘मैले तथ्य मात्र भनेको हो ।’
पुटिनले पहिले व्यवहार परिवर्तन नगरेको अनि बाइडनसँगको भेटवार्तापछि आयोजित पत्रकार सम्मेलनमा पुटिनले साइबर आक्रमणमा संलग्नतालाई अस्वीकार गरेको र मानवअधिकार उल्लंघनलाई बेवास्ता गरेको देखिएको कोलिन्सले बताइन् ।
‘अनि त्यसो हुँदा संरचनात्मक बैठक कसरी भयो त ?’ उनले सोधिन् ।
‘तपाईं त्यो बुझ्नुहुन्न भने गलत पेशामा हुनुहुन्छ,’ बाइडनले झर्किंदै भने ।
पछि बाइडनले एयर फोर्स वान नजिक सञ्चारकर्मीहरूलाई सम्बोधन गर्दै कोलिन्सको प्रश्नमा दिएको उत्तरमा माफ मागे ।
‘झडंग रिसाएकोमा माफी माग्छु,’ उनले भने । ‘तपाईंहरू कहिल्यै सकारात्मक प्रश्न गर्नुहुन्न ।’
US President Joe Biden publicly scolded a CNN journalist, saying the reporter might be "in the wrong business" after he was questioned about his meeting with Russian President Vladimir Putin. Biden later apologized. pic.twitter.com/QpayFMw2sb
— Global Times (@globaltimesnews) June 17, 2021
