अन्तरिक्षको महाशक्ति बन्ने महत्त्वाकांक्षा राखेको चीनले आफ्नै स्पेस स्टेसनमा तीनजना अन्तरिक्षयात्री पठाउन सफलता पाएको छ । 

लगभग सात घन्टाको यात्रापछि ती अन्तरिक्षयात्रीहरू स्ेिस स्टेसन पुगेका हुन् ।

चीनले अन्तरिक्ष स्टेसन बनाउनु अनि त्यहाँ आफ्नै अन्तरिक्षयात्रीलाई पठाउनुलाई निकै ठूलो सफलता मानिएको छ । 

यस ऐतिहासिक घटनाको भिडियोमा चिनियाँ अन्तरिक्षयात्रीहरू स्पेस स्टेसनको ढोका खोलेर भित्र पसेको देखिन्छ । 

उनीहरूले आगामी तीन महिना अन्तरिक्षमा विभिन्न किसिमका प्रयोग गर्नेछन् । चाइना म्यान्ड स्पेस एजेन्सीका अनुसार, शनचो१२ अन्तरिक्षयान बिहीवार अपराह्न अन्तरिक्ष स्टेसनको कोर मोड्युल थ्याँहमा सफलतापूर्वक जोडिएको थियो । 

यस यानलाई लंग मार्च–२ एफ रकेटसँगै उत्तरपश्चिम चीनको गोबी मरुभ्ूमिमा रहेको जियुक्वान उपग्रह प्रक्षेपण केन्द्रबाट पठाइएको थियो । 

चीनले हालैका दिनमा मंगलग्रह र चन्द्रमा मिसनमा सफलता पाएपछि रणनीतिक रूपमा महत्त्वपूर्ण अन्तरिक्ष स्पेस स्टेसन निर्माण तथा अन्तरिक्षयात्री पठाउने काम गरेको छ । अब अन्तरिक्षबाट विश्वमाथि निगरानी गर्न चीनलाई सहजता हुनेछ ।
 

For the first time the Chinese have entered their own space station in orbit. #GLOBALink pic.twitter.com/whQydhkoHy

— China Xinhua News (@XHNews) June 17, 2021