कर्णालीका तीन मन्त्रीलाई राजीनामा दिन एमालेको निर्देशन

नेकपा एमालेले माओवादी केन्द्रका नेता महेन्द्र बहादुर शाही नेतृत्वको सरकारमा सहभागि तीन मन्त्रीलाई राजीनामा गर्न निर्देशन दिएको छ ।

शुक्रवार बसेको संसदीय दलको बैठकले तीन मन्त्रीलाई राजीनामा गर्न निर्देशन दिएको मुख्य सचेतक गुलावजंग साहले लोकान्तरलाई जानकारी दिए । 


Advertisement

बैठकले सरकारमा सहभागि अम्मरबहादुर थापा, कुर्मराज शाही र नन्दसिंह बुढालाई पदबाट राजीनामा गर्न निर्देशन दिएको हो ।

‘सर्वोच्च अदालतले सांसद पुर्नवहाली गरिदिएको सन्दर्भमा सरकार छाडेर आउन तीनजना माननीयलाई निर्देशन दिएका छौं, यतिदिन भित्र भनर समय सिमा तोकिएको छैन’ साहले लोकान्तरसँग भने । 

गत वैशाख ३ गते प्रकाश ज्वाला सहित एमालेका ४ सांसदले फ्लोर क्रस गरेर मुख्यमन्त्री शाहीलाई मतदान गरेका थिए । त्यसको केही समयपछि एमालेले उनीहरुलाई सांसद पदबाट हटाएको थियो । 

सांसद पदबाट हटेका ४ मध्ये ज्वाला बाहेकका तीनजना मन्त्री बनेका छन् । सर्वोच्च अदालतले केही दिन पहिले उनीहरुको सांसद पद जोगाइदिएको थियो । सांसद पद बहाल भएपछि प्रकाश ज्वाला संसदीय दलको बैठकमा सहभागि भएका छन् । 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्