१५ असार २०८३, सोमबार
इन्टरनेटको माध्यमबाट मानिसले केसम्म गर्न सक्दैन ?
यहाँ एक यस्तो घटनाबारे चर्चा गरिएको छ, जहाँ इन्टरनेटकै माध्यमबाट एक व्यक्तिले ३२ युवतीसँग प्रेम गरिसकेको र ५ युवतीसँग विवाह गरेका छन् ।
ती व्यक्तिले अहिले छैटौँ विवाह गर्न लागेको पाइएको छ ।
यो घटना भारतको कानपुरको हो । ती बाबा अनुज कठेरिया नामका व्यक्तिलाई अहिले कानपुर प्रहरीले पक्राउ गरेको छ ।
ती व्यक्तिले अनलाइन विवाह सम्बन्धी वेवसाइट शादी डटकममा अलग अलग प्रोफाइल बनाएर युवतीहरूलाई आफ्नो जालमा पार्ने गरेको समेत कानपुर प्रहरीले खुलाएको छ ।
आरोपितले कतै तान्त्रिक बाबा त कतै व्यापारी तथा शिक्षक बनेर युवतीसँग सम्पर्क गर्ने गरेको बताइएको छ ।
आरोपितले कल्याण सेवा ट्रस्ट समेत सञ्चालन गरेको पाइएको बताइएको छ ।
कानपुर प्रहरीले एक प्रेस विज्ञप्ति जारी गर्दै उनको सार्वजनिक गरेका हुन् ।
उनको गिरफ्तारी भने ५ औं पत्नीको उजुरीको आधारमा गरिएको प्रहरीले जनाएको छ ।
प्रहरीले आरोपितले फिल्मी शैलीमा विवाह गरेको तथा युवतीहरूलाई फसाएको पाइएको समेत जनाएका छन् ।
