अफ्रिकी मुलुक सोमालियाको गलमुदुगमा इस्लामिक समूह अल शबाबले आइतवार गरेको आक्रमणमा परी ३० जनाको मृत्यु भएको एक सुरक्षा अधिकारीले जानकारी दिएका छन् । 
 

आतंकवादीहरूले उक्त शहरमा रहेको सैन्य अड्डामा कार बम आक्रमण गरेका हुन् । त्यसपछि सरकारी सेना र सशस्त्र स्थानीयहरूबीच भिडन्त भएको सैन्य अधिकृत मेजर मोहम्मद अवालेले बताए । 
‘

उनीहरूले अड्डामा दुईवटा कार बम प्रहार गरे अनि त्यसपछि एक घन्टाभन्दा बढी समयसम्म कडा भिडन्त भयो,’ उनले बताए । 

‘कार बमका कारण सैन्य वाहनहरूमा क्षति पुगेको छ । स्थानीयहरूसँग राम्रो हातहतियार थियो र उनीहरूले सैन्य अड्डालाई सुदृढ बनाए अनि अब शबाबलाई भगाए ।’

भिडन्तमा १७ सैनिक र १३ नागरिकको मृत्यु भएको अवालेको भनाइ छ । 
 

अलकायदा आतंकवादी समूहसँग जोडिएको अब शबाबले विगत एक दशकदेखि सोमालियामा लडाइँ चर्काइरहेको छ । त्यहाँको सरकारलाई अपदस्थ गरेर उसले शरिया कानूनमार्फत आफैं शासन चलाउन खोजिरहेको छ ।