जर्मनीमा सोमवार मेघगर्जन सहित मुसलधारे वर्षा भएपछि देशका दक्षिणी तथा पश्चिमी भागका सडक जलमग्न भएका छन् ।   

यसले गर्दा धेरै दुर्घटना भएका छन् र सयौंजना उद्धारकहरू खटिएका छन् । 
 

बाभेरियामा केही गाउँहरू बाढीमा डुबे । फ्य्रांकफर्ट नजिक सडकहरू पूरै जलमग्न थिए । फायरफाइटरहरूले धेरै बेसमेन्टमा पानी पम्प गरेर फाल्नुपरेको थियो । 
 

स्टुटगार्टमा छतहरू अनि ओपेरा हाउसका कैयौं मूर्तिहरूलाई हावाले लडाएर झारिदिएको छ । 

उद्धार टोलीलाई सोमवार ३३० पटक कल आएको थियो । 

ट्रेन सेवा कैयौं घन्टासम्म अवरुद्ध रह्यो । लडेका रुखहरूलाई काटेर फायरफाइटरहरूले हटाउनुपरेको थियो । 
 

मोन्ताबाउर शहर नजिक ए३ र ए४८ राजमार्गमा मुसलधारे वर्षाका कारण सातवटा दुर्घटना भएका छन् ।