राउटे युवतीमाथि यौन दुर्व्यवहारको आरोप लागेका तीन अभियुक्तलाई पुर्पक्षका लागि कारागार चलान गरिएको छ । 

सुर्खेत जिल्ला अदालतका न्यायाधीश दिलप्रसाद सापकोटाको एकल इजलासले उनीहरूलाई कारागार चलान गरेको हो । 

सुर्खेतको एक होटलमा लगेर दुई राउटे युवतीमाथि यौन दुर्व्यवहार गरेको आरोपमा दोमबहादुर घर्ती, भूपेन्द्र बुढा र होटल सञ्चालक विनोद पुन पक्राउ परेका थिए । 

आज भएको थुनछेक बहसपछि उनीहरूलाई पुर्पक्षका लागि कारागार चलान गरिएको अदालतका सूचना अधिकारी नरेन्द्रप्रसाद पोखरेलले जानकारी दिए । 

राउटे युवतीमाथि यौन दुव्र्यवहार भएको भिडियो बाहिरिएपछि प्रहरीले उनीहरुलाई पक्राउ गरी जबर्जस्ती करणीमा मुद्दा चलाएको थियो ।