२३ जेठ २०८३, शनिबार
स्वास्थ्य तथा जनसंख्या वैज्ञानिकको सातौं शिखर सम्मेलन भोलि बिहीवारदेखि शुरू हुने भएको छ ।
स्वास्थ्य अनुसन्धान परिषद्ले बुधवार पत्रकार सम्मेलन गरी स्वास्थ्य तथा जनसंख्या वैज्ञानिकको सातौं शिखर सम्मेलन १७ र १८ गते हुने बताएको हो ।
‘जनस्वास्थ्य संकटको बेला अनुसन्धान नीति र कार्यान्वयनको लागि प्रमाण’ भन्ने नाराका साथ आयोजना गरिएको सम्मेलनमा वैज्ञानिक, शोधकर्ता, विश्वविद्यालय, विद्यार्थी, बाह्य विकास साझेदार, स्वास्थ्य विज्ञ, मेडिकल चिकित्सक लगायतको सहभागिता रहने बताइएको छ ।
२ दिने सम्मेलनमा लागि जनस्वास्थ्यसँग सम्बन्धित स्वदेशी ता विदेशी अनुसन्धानकर्ताले ४७ वटा अनुसन्धानमूलक कार्यहरूको मौखिक प्रस्तुती, १९ पोस्टर प्रस्तुती तथा २४ वटा आमन्त्रित प्रस्तुतीकरण हुने परिषद्का प्रमुख डा. प्रदीप ज्ञवालीले बताए ।
यसपटकको सम्मेलनमा पहिलो दिनमा कोभिड–१९ जनस्वास्थ्य संकट, नसर्ने रोगहरू तथा स्वास्थ्य प्रणाली र नीति सम्बन्धी आमन्त्रित विज्ञहरू र प्रस्तुतकर्ताहरूको प्रस्तुती हुने पत्रकार सम्मेलनमा बताइएको छ ।
परिषद्ले ७ वर्षदेखि आफ्नो स्थापनाको दिन पारेर स्वास्थ्य तथा जनसंख्यासम्बन्धी वैज्ञानिक सम्मेलन गर्दै आएको छ ।
