राष्ट्रिय प्रजातन्त्र पार्टीका अध्यक्ष कमल थापाले राप्रपामा कुनैपनि वैचारिक तथा सैद्धान्तिक मतभेद नभएको दावी गरेका छन् ।

अध्यक्ष थापाले सामाजिक संजाल ट्विटरमा राप्रपामा वैचारिक तथा सैद्धान्तिक मतभेद नभएको स्पष्ट पारेका हुन् । उनले राप्रपामा केही निष्क्रियता भएपनि महाधिवेशन पछि त्यसको समेत निराकरण हुने धारणा राखेका छन् ।

उनले त्रय अध्यक्ष बिच पार्टी एकता अक्षुण्ण राख्दै राप्रपालाई बलियो राष्ट्रवादी प्रजातान्त्रिक शक्ति बनाउने पूर्ण समझदारी भएको र शनिवार बस्ने निर्देशन समितिको बैठकले महाधिवेशनको मिति निर्धारण गर्ने जानकारी दिएका छन् ।