२९ जेठ २०८३, शुक्रबार
जापानको इजुसान जिल्लामा हिले पहिरो जाँदा पुरिएर दुईजनाको ज्यान गएको छ भने कम्तीमा २० जना हराइरहेका छन् ।
विगत केही दिनदेखि अविरल वर्षा भइरहँदा शनिवार बिहान हिले पहिरो गएको हो ।
इजुसानको एउटा डाँडामा बेस्सरी भूक्षय भएर हिलो आएपछि दर्जनौं घर त्यसमा पुरिएका थिए ।
घटनाको स्तब्ध बनाउने भिडियो फूटेजमा हिलो फैलिएर सबैतिर ढाकेको र मानिसहरू ज्यान जोगाउन भागेको देखिन्छ ।
दुईजनालाई मुटु र श्वासप्रश्वास रोकिएर मरेको अवस्थामा पाइएको क्षेत्रीय गभर्नरले बताए ।
पहिरोमा परी २० जना अझै पनि हराइरहेको र सैनिक तथा उद्धारकहरूले उद्धारकार्य द्रुत गतिमा अघि बढाइरहेको जानकारी पनि उनले दिए ।
