२८ जेठ २०८३, बिहीबार
![सँगै देखिए आमिर र किरण, सम्बन्धविच्छेदबारे यसो भन्छन् [भिडियाेसहित]](https://lktcdn2.prixacdn.net/media/amir_krian_4qVoEbE6hZ.jpg)
बलिउड सुपरस्टार आमिर खान र उनकी पत्नी किरण रावले शनिबार संयुक्त वक्तव्य जारी गरेर आफूहरू अलग भएको बताए । यो खबरले दिनभरजसो सामाजिक सञ्जालमा चर्चा पायो, त्यो चर्चा अझै सकिएको छैन ।
उनीहरू अलग हुने कुराले आमिरका समर्थकहरू खुशी देखिएका छैनन् । यद्यपि यसको कारणबारे आमिरले नै बोलुन् भन्ने समर्थकले चाहेका थिए ।
अहिले यस्तै भएको छ । आमिरले किरणका साथमा आफ्ना समर्थकहरूसँग सम्बन्धविच्छेदबारे बताएका छन् ।
सेलिब्रिटी फोटोग्राफर मानव मंगलानीले आफ्नो सामाजिक सञ्जालमा एउटा भिडियो शेयर गरेका छन्, जसमा आमिर र किरण एकअर्काको हात समातेर आफूहरू एक परिवार भएको बताएका छन् ।
४० सेकेन्डको भिडियोमा आमिरले भनेका छन्– हाम्रो सम्बन्ध बदलिएको छ तर, हामी सधैँ साथमा छौं।
भिडियोमा आमिर र किरण खुशी देखिएका छन् ।
आमिरले भने, ‘मलाई थाहा छ तपाईंहरूलाई यो सुनेर दुःख लागेको होला । नराम्रो लागेको होला । तपाईं आश्चर्यमा पनि पर्नु भयो होला । हामी एकदमै खुशी छौं र एउटै परिवार हो । हाम्रो सम्बन्धमा परिवर्तन आएको छ, तर हामी एकअर्काका साथी हौं । पानी फाउन्डेसन हाम्रो छोरा आजाद जस्तै हो । हाम्रो लागि तपाईंहरू प्राथना गर्नुस् कि हामी खुशी रहौं ।’
