२५ जेठ २०८३, सोमबार
अफगानिस्तानमा आफ्नो नियन्त्रण कठोर बनाउँदै लगेको तालिबानले आफ्नो शासनमा जनताले कठोर कानून पालन गर्नुपर्ने र त्यसो नगर्नेलाई कारवाही गरिने बताएको छ ।
तालिबानी न्यायाधीश गुल रहीमले समलिंगीहरूलाई भयानक मृत्युदण्ड दिइने बताएका छन् । समलिंगी सम्बन्ध राख्ने व्यक्तिमाथि भित्ता लडाएर वा ढुंगाले हानेर मारिने बताएका छन् ।
महिलामाथि पनि कडा प्रतिबन्धको व्यवस्था गरिएको छ ।
चोरी गर्नेहरूको हात र गोडा काटिने पनि उनको भनाइ छ । मध्य अफगानिस्तानमा तालिबान नियन्त्रित इलाकामा महिलाहरूले घरबाहिर निस्कनका लागि अनुमति लिनुपर्नेछ ।
अमेरिका अफगानिस्तानबाट पूरै हटेपछि ताबिलानले देश नियन्त्रणमा लिने र तालिबानले देशमा शरिया कानून लगाउने रहीमले बताए ।
अहिले अफगानिस्तानको ८० प्रतिशत भागमा तालिबानको कब्जा छ । अफगान सेना तालिबानका अगाडि एकदमै कमजोर साबित भएको छ ।
रहीमका अनुसार, महिलाहरूले घरबाहिर निस्कँदा उनीहरूसँग पति, पिता वा दाजुभाइ अनिवार्य हुनुपर्नेछ । महिलाले बाहिर निस्कन अनिवार्य अनुमति लिनुपर्छ ।
उनले बालिकाहरूलाई विद्यालय जाने अनुमति दिने तर विद्यालयमा सबै शिक्षिका मात्र हुनुपर्ने र सबैले हिजाब लगाएको हुनुपर्ने बताए ।
