०४ साउन २०८३, सोमबार
प्रदेश २ का प्रदेश प्रमुख राजेश झा अहिराजले आन्तरिक मामिला तथा सञ्चारमन्त्री भरतकुमार साहलाई पद तथा गोपनीयताको शपथ गराएका छन् ।
मुख्यमन्त्री लालबाबु राउतले आज मन्त्री पदमा नेकपा (माओवादी केन्द्र)का संसदीय दलका नेता साहलाई नियुक्त गरेका थिए ।
प्रदेश प्रमुख झाले मधेश भवनमा आयोजित समारोहमा उनलाई शपथ गराएका हुन् ।
सोही समारोहमा मुख्यमन्त्री राउतले नवनियुक्त आन्तरिक मामिला तथा सञ्चार राज्यमन्त्री रूवीकुमारी कर्णलाई पद तथा गोपनीयताको शपथ गराएका थिए ।
प्रदेश सरकारमा माओवादी केन्द्रलाई सहभागी गराउन जनता समाजवादी पार्टीका ज्ञानेन्द्रकुमार यादव र राज्यमन्त्री सरोज सिंह कुशवाहाले आज राजीनामा गरेका थिए ।
