१२ असार २०८३, शुक्रबार
इंग्ल्यान्डका ब्याट्स्म्यान लियाम लिविंगस्टोनले आइतवार पाकिस्तानविरुद्धको दोस्रो टी२० मा १२२ मिटर लामो छक्का हानेपछि सामाजिक सञ्जालमा उनको व्यापक चर्चा भएको छ ।
पहिलो टी२० मा लिविंगस्टोनले जम्मा ४३ बलमा शतक बनाए भने आइतवार भएको दोस्रो खेलमा द्रुत गतिमा ३८ रन बनाए । त्यसक्रममा उनले पाकिस्तानी फास्ट बलर हारिस रऊफको बलमा विशाल छक्का प्रहार गरेका हुन् ।
यो नै अहिलेसम्मको सबभन्दा विशाल छक्का भएको भनी सामाजिक सञ्जालमा दाबी गरिएको भए पनि खासमा न्युजील्यान्डका मार्टिन गुप्टिलले दक्षिण अफ्रिकाविरुद्ध १२७ मिटर लामो छक्का प्रहार गरेका छन् ।
दोस्रो टी२० मा इंग्ल्यान्डले पहिले ब्याटिङ गर्दै २०० रन बनायो अनि पाकिस्तानलाई १५५ रनमा रोकिदियो । लिविंगस्टोनले तीन छक्काको सहायताले ३८ रन बनाए । त्यसमध्येको एक छक्का हान्दा बल नै स्टेडियमबाहिर पुग्यो ।
इंग्ल्यान्ड क्रिकेट बोर्डले यसको क्लिप ट्विटरमा राखेको छ ।
OUT OF THE GROUND! 🏟
Scorecard/clips: https://t.co/QjGshV4LMM
🏴 #ENGvPAK 🇵🇰 pic.twitter.com/Hm7BnCzRK7— England Cricket (@englandcricket) July 18, 2021
