इलाम, २७ जेठ– दोस्रो चरणको स्थानीय तह निर्वाचनका लागि टिकट वितरणको विषयलाई लिए नेपाली कांग्रेसमा आन्तरिक विवाद चर्किएको छ ।
जिल्लाबाट सिफारिस नै नगरिएका व्यक्तिलाई केन्द्रबाट टिकट दिइएको भन्दै इलाम कांग्रेसमा विवाद उत्पन्न भएको हो ।
गुटबन्दीका कारण पार्टीमा सक्रिय व्यक्ति ओझेलमा परेको भन्दै नेपाली कांग्रेसका इलाम क्षेत्रनम्बर १ का सभापतिसहित १५ जनाले सामूहिक राजीनामा दिएका छन् ।
राजीनामा दिनेहरुमा इलाम क्षेत्र नम्बर १ का सभापति
दुर्गा बराल, उपसभापति श्याम कार्की, सचिव हरिकला श्रेष्ठ र राजकुमार लिम्बु, कोषाध्यक्ष पूर्ण मुखिया, सदस्यहरु मेनुका प्रधान, नरेन्द्र सापकोटा, सोनाम छिरिङ काजी, बिमल प्रधान, ज्ञानु राई, अर्जुन पोखरेल, हिराबहादुर लाप्चा, हरी बुढाथोकी, राजु बम्जन र पुष्प कार्की छन् ।
पार्टीको जिल्ला समितिले क्षेत्रीय सभापति बराललाई सूर्योदय नगरपालिकाको मेयरका लागि उम्मेदवार बनाउन भनेर सिफारिस गरेको थियो । तर केन्द्रले महासमिति सदस्य प्रेम चाम्लिङलाई मेयरको उम्मेदवारको टिकट दिएको छ ।
