नेकपा एमालेको माधव पक्षीय स्थायी कमिटीको बैठकले सम्मानजनक एकताको पक्षमा जोड दिने निष्कर्ष निकालेको छ । 

बैठकमा स्थायी कमिटी सदस्यहरूले पार्टी एकताका विषयमा आ–आफ्नो विचार राखेको नेता रघुजी पन्तले जानकारी दिए । 

‘सम्मानजनक ढंगले पार्टी एकताका पक्षमा जोड दिने विषयमा छलफल भयो,’ उनले भने । 

यस्तै १० बुँदे सहमतिलाई थप स्पष्ट पार्नका लागि विघटित कार्यदलकै सदस्यहरूले अध्यक्ष केपी शर्मा ओलीसँग छलफल गर्ने नेता योगेश भट्टराईले जानकारी दिए ।

पार्टी एकतालाई थप प्रभावकारी बनाउनुपर्ने विषयमा सबै नेताहरूले सुझाव दिएको उनले बताए ।  

यसअघि आइतवार पनि बैठक बसेको थियो ।