०१ असार २०८३, सोमबार
राजधानी काठमाडौं उपत्यकामा कोरोना भाइरस संक्रमण घट्न सकेको छैन ।
पछिल्लो २४ घण्टामा राजधानी काठमाडौंका ३ जिल्लामध्ये काठमाडौंमा सबैभन्दा धेरै ५५९, ललितपुरमा २०६, भक्तपुरमा ९४ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयको विवरण अनुसार कास्कीमा ३१६, झापामा १९४, मोरङमा १८९, चितवनमा १८५ र सुनसरीमा १७६ जनामा कोरोना संक्रमण पुष्टि भएको छ ।
देशभर पछिल्लो २४ घण्टामा थप ३ हजार ८४० जनामा कोभिड–१९ संक्रमण पुष्टि भएको छ ।
मन्त्रालयका अनुसार पछिल्लोपटक १० हजार ८८६ पीसीआर परीक्षणमा २ हजार ६३४ र ४ हजार ९२२ एन्टिजेन परीक्षणमा १ हजार २०६ जना गरी जम्मा ३ हजार ८४० जनामा संक्रमण पुष्टि भएको छ ।
यससँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको संख्या ६ लाख ८८ हजार ३०७ पुगेको छ । एन्टिजेन परीक्षणमा संक्रमित हुनेको संख्या ५८ हजार ३५० रहेको छ । पछिल्लोपटक थप १ हजार ९९३ जना निको भएका छन् ।
यससँगै निको हुनेको संख्या ६ लाख ४९ हजार ७२ पुगेको छ । निको हुने दर ९४ दशमलव ३ रहेको पनि मन्त्रालयले जनाएको छ ।
हाल नेपालमा २६ हजार ६५२ जना होम आइसोलेसन तथा २ हजार ७९२ जना संस्थागत आइसोलेसन छन् । ६११ जना आईसीयू र १६८ जना भेन्टिलेटरमा उपचाररत छन् ।
देशभर सक्रिय संक्रमितको संख्या २९ हजार ४४४ जना रहेको छ ।
हालसम्म कोरोनाबाट मृत्यु हुनेको संख्या ९ हजार ७९१ पुगेको छ भने पछिल्लो २४ घण्टामा थप ३३ जनाले ज्यान गुमाएको मन्त्रालयले जनाएको छ भने मृत्यु दर १.५ प्रतिशत रहेको छ ।
नेपालमा हालसम्ममा १५ लाख ३ हजार ३१२ जनाले पूर्ण खोप लगाएका छन् भने ३५ लाख ४४ हजार ४३ जनाले पहिलो मात्रा लागाएका छन् ।
