३२ असार २०८३, बिहीबार
नेकपा एमालेका नेता तथा पूर्वमन्त्री गोकुल बाँस्कोटाले नेपाली कांग्रेसको आसन्न महाधिवेशनको सन्दर्भमा सभापति शेरबहादुर देउवाप्रति व्यंग्य गरेका छन् ।
कांंग्रेसले तोकिएको मितिमा महाधिवेशन नगर्ने संकेत गर्दै बाँस्कोटाले सभापति देउवाले जस्तोसुकै निर्णय गरेपनि प्रजातान्त्रिक नै हुने व्यंग्य गरेका हुन् ।
बाँस्कोटाले ट्विटरमा लेखेका छन्, ‘मैले त पहिल्यै भन्या छु – कांग्रेस शून्य समयको प्रबन्ध मिलाउन खोज्दैछ । मौका पाए डेढ वर्ष महाधिवेशन सार्छ, नपाए अब वडा तहको गर्छ तर पालिका र जिल्ला तहको अधिवेशन नगरी कात्तिकतिर सिधै महाधिवेशन गर्छ । देउवाले गरेको निर्णय प्रजातान्त्रिक नै हुन्छ, निरंकुश कसले भन्दो रहेछ ? हामी पनि हेरौं त !’
मैले त पहिल्यै भन्या छु- कांग्रेस सुन्य समयको प्रबन्ध मिलाउन खोज्दैछ।मौका पाए डेढबर्ष महाधिवेशन सार्छ नपाए अब वडातहको गर्छ ।तर पालीका र जिल्ला तहको अधिवेशन नगरी कार्तिकतिर सिधै महाधिवेशन गर्छ।देउवाले गरेको निर्णय प्रजातान्त्रिक नै हुन्छ।निरंकुश कस्ले भन्दो रहेछ?हामी पनि हेरौ त !
— Gokul Prasad Baskota (@GokulPBaskota) July 29, 2021
