नेकपा मालेका महासचिव सीपी मैनालीसँग नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) का नेताहरूले भेटवार्ता गरेका छन् ।

महासचिव मैनालीसँग नेकपा प्रवक्ता खड्गबहादुर विश्वकर्मा ‘प्रकाण्ड’ र स्थायी कमिटी सदस्य धर्मेन्द्र बाँस्तोलाले भेटवार्ता गरेका हुन् ।

सरकारसँग सहमति गरेर शान्तिपूर्ण राजनीतिमा फर्किएका नेता महासचिव विप्लवसहित नेताहरूले विभिन्न राजनीतिक दलका प्रमुख र नेताहरूसँग भेटवार्ता गरिरहेका छन् ।