२४ जेठ २०८३, आइतबार
भारतको कोरोना भाइरस संक्रमणको तेस्रो लहर यसै महिना अर्थात् अगस्तमै चल्ने विज्ञले पूर्वानुमान गरेका छन् ।
आईआईटी हैदराबाद र कानपुरका शोधकर्ताका आधारमा प्रकाशित ब्लूमबर्गको रिपोर्टअनुसार तेस्रो लहर अगस्तमै शुरू भएर अक्टोबरमा उत्कर्षमा पुग्ने छ । शोधमा शोधार्थी मधुकुमल्ली विद्यासागर र मनिंद्र अग्रवाल सहभागी रहेका भारतीय सञ्चारमाध्यमले जनाएका छन् ।
कोरोनाको दोस्रो लहरबारे यी शोधार्थीले गरेको पूर्वानुमान ठ्याक्कै मिलेको थियो ।
शोधकर्ताले तेस्रो लहरबाट हुनसक्ने क्षति कम गर्न खोप अभियानलाई तीब्र बनाउन सुझाव दिएका छन् । भारतमा एकैदिन १७ लाख ६ हजार ५९८ व्यक्तिलाई कोरोना विरुद्धको खोप लगाइएको छ भने हालसम्म कूल ४७ करोड २२ लाख २३ हजार ६३९ जनालाई खोप लगाइएको जनाइएको छ ।
शोधकर्ताको पूर्वानुमान अनुसार तेस्रो लहर दोस्रो लहरजस्तो घातक हुने छैन तर सावधानी भने पर्याप्त अपनाउनुपर्नेछ । दोस्रो लहरमा दैनिक १/१ लाख नयाँ संक्रमित देखिनसक्ने अनुमान गरिएको छ ।
