जिल्ला प्रहरी कार्यालय रामेछापले बाल यौन दुराचार गरी फरार भएका एक युवकलाई पक्राउ गरेको छ ।

जिल्ला अदालत रामेछापबाट मिति २०७७ फागुन १२ गतेको फैसलाले ६ महिना कैद र १० हजार जरिवाना सजाय तोकिएका मन्थली नगरपालिका १३ गेलु बस्ने २३ वर्षीय सुरज भुजेललाई पक्राउ गरिएको हो ।

विषेश सूचनाको आधारमा घर आएको जानकारीपछि मंगलवार राति उनलाई घरबाटै पक्राउ गरेको जिल्ला प्रहरी कार्यालय रामेछापका प्रमुख डीएसपी नवराज ढुंगानाले बताए ।

ढुंगानाका अनुसार भुजेलले १७ वर्षीया बालिकालाई यौन दुराचार गरेर फरार भएका थिए ।