०६ असार २०८३, शनिबार
भारतको राजधानी दिल्लीका मुख्यमन्त्री अरविन्द केजरीवाललाई बुधवार दिल्ली क्यान्टमा मञ्चबाट लडाइएको छ ।
उक्त क्षेत्रमा एक बालिकाको बलात्कारपछि हत्या गरेको भनिएको घटनामा उनी पीडित परिवारलाई भेट्न गएका थिए । त्यसक्रममा उनले विरोधको सामना गरे ।
परिवारलाई भेटेर मञ्चमा पुग्दा केही व्यक्तिले उनीविरुद्ध नारा लगाए ।
मञ्चमै उनलाई धकेलाधकेल गरियो र उनी मञ्चबाट लडे । त्यसपछि सुरक्षाकर्मीहरूले उनलाई सम्हाले । उनलाई कुनै चोटपटक लागेको छैन । त्यसपछि दिल्ली प्रहरीले केजरीवाललाई सुरक्षित रूपमा त्यहाँबाट लग्यो ।
पीडित परिवारलाई भेटेपछि केजरीवालले ट्वीट गरेर परिवारलाई १० लाख भारु आर्थिक सहयोग दिने जानकारी दिए ।
नौ वर्षकी बालिकालाई बलात्कारपछि हत्या गरिएको आरोपमा चारजनालाई पक्राउ गरिएको छ । हत्या तथा पोक्सो ऐनअन्तर्गत उजुरी दर्ता गरिएको छ ।
