अमेरिकाले एन्टी रेडिएसन मिसाइल एजीएम–८८ हार्मको अत्याधुनिक संस्करणको सफल परीक्षण गरेको छ । 

यस नयाँ क्षेप्यास्त्रले शत्रुको राडार सिस्टम तथा एयर डिफेन्स सिस्टमलाई ध्वस्त बनाउन सक्छ । कतिपय विशेषज्ञहरू यो रुसको ब्रह्मास्त्र मानिने एस–४०० क्षेप्यास्त्रप्रतिरोधलाई ध्वस्त पार्ने क्षेप्यास्त्र हो भन्छन् । 

अमेरिकाको जलसेनाले बयान जारी गरेर एफ/ए–१८ई/एफ सुपर हार्नेट लडाकू विमानमार्फत अत्याधुनिक क्षेप्यास्त्र पहिलोपटक प्रहार गरेको जानकारी दियो । यस क्षेप्यास्त्रले आफ्ना सबै लक्ष्य पूरा गरेको पनि अमेरिकी जलसेनाले बतायो । शत्रुले डिफेन्स नेटवर्क तैनाथ गरेको स्थानमा यस क्षेप्यास्त्रले ध्वस्त पार्छ । 

यस क्षेप्यास्त्रले २३० किलोमिटर परसम्म निशाना लगाउन सक्छ । यसको परीक्षण गत जुलाई १९ मा पोइन्ट मूगू सी टेस्ट रेन्जको तटमा गरिएको थियो । आकाशमा आएको क्षेप्यास्त्रलाई नष्ट जमीनबाट नष्ट गर्न यो समर्थ छ ।