२२ जेठ २०८३, शुक्रबार
सिद्धार्थ राजमार्गअन्तर्गत बुटवल–पाल्पा सडकखण्डमा पर्ने सिद्धबाबामा मंगलवार बिहान पहिरोमा पर्दा जीप दुर्घटना भएको छ ।
लुम्बिनी प्रदेश ट्राफिक प्रहरी कार्यालय, बुटवलका प्रहरी नायव उपरीक्षक (डीएसपी) डिल्लीनारायण पाण्डेका अनुसार माथिबाट खसेको ढुंगाले लागेर बा १८ च ७३३६ नम्बरको स्कार्पियो जीप सडकबाट तल तिनाउ खोलामा खसेको हो ।
दुर्घटनामा परी चारजना घाइते भएका छन् । उनीहरूको लुम्बिनी प्रादेशिक अस्पताल, बुटवलमा उपचार भइरहेको पाण्डेले जानकारी दिए ।
ढुंगा लागेर गाडी सडकबाट १०० मिटर तल तिनाउ नदीमा पुगेको छ । घाइतेको अवस्थित गम्भीर छ । उनीहरूको परिचय खुल्न सकेको छैन ।
