०९ साउन २०८३, शनिबार
नेकपा एमालेका सांसद एवं ओली सरकारमा छोटो समय गृहमन्त्री बनेका खगराज अधिकारीले अफगानिस्तानमा अलपत्र नेपालीको उद्धार गर्न सरकारसँग आग्रह गरेका छन् ।
तत्काल उद्धार नगरे सदनमा सरकारलाई काम गर्न नदिने उनले चेतावनी दिए ।
‘नेपालीहरूको मन दुखेको छ, अफगानिस्तानमा नेपाली अलपत्र छन्, अफगानिस्तानमा अलपत्र नेपालीलाई ल्याउन नसके यो सरकारलाई नालायक सरकार भनिने छ । अलपत्रलाई उद्धार नगरे संसदमा सरकारले काम गर्न सक्ने छैन,’ अधिकारीले बिहीवार प्रतिनिधिसभा बैठकको शून्य समयमा भने ।
