अफगानिस्तानको राजधानी काबुलको बाहिरी भागमा तालिबान लडाकूहरू आइपुगेपछि सरकारले शान्तिपूर्ण तरिकाले सत्ता हस्तान्तरण गर्ने तयारी गरेको बीबीसीले खबर दिएको छ । 

देशका कायममुकायम गृहमन्त्रीले एउटा भिडियोमा आएर संक्रमणकालीन सरकार बनाउनका लागि शान्तिपूर्ण सत्ता हस्तान्तरण गरिने बताए । उक्त भिडियो स्थानीय टोलो टीभीले प्रसारण गरेको छ । 

उनले काबुलमा तालिबानले आक्रमण नगर्ने बताए । 

तालिबानका वार्ताकारहरू शक्ति हस्तान्तरणका लागि कुराकानी गर्न राष्ट्रपति भवनतर्फ जाँदै गरेको एपीले खबर दिएको छ । 

तालिबानले यसअघि आफ्ना लडाकूहरूलाई काबुल शहरको मुख्यद्वारमा बसिरहन निर्देशन दिएको छ ।