माधव नेपाल पक्षले नयाँ दल दर्ताका लागि प्रस्ताव गरेको चुनाव चिह्न अर्कै दलले पहिले नै प्रस्ताव गरेको खुलेको छ । 

उन्नत लोकतन्त्र पार्टीले आफ्नो चुनाव चिह्न छड्के खुला किताब भएको जनाएको छ । 

सो पार्टीका केन्द्रीय सदस्य बोधराज न्यौपानेले आफूहरूको पार्टीको सम्पूर्ण प्रक्रिया साउन १८ गते पूरा भएको बताएका छन् । उनले माधव पक्षले पनि सोही चुनाव चिन्ह प्रस्ताव गर्ने तयारी गरेपछि आफूहरु निर्वाचन आयोगको ध्यानकर्षण गराउन आएको बताए । ‘ध्यानाकर्षण गराउँदा–गराउँदै माधव पक्षहरूलाई सो चुनाव चिह्न दिइयो भने भोलि नै हामी सर्वोच्च अदालत जान्छौँ,’ उनले भने ।

उन्नत लोकतन्त्र पार्टीको अध्यक्ष स्वागत नेपाल भएको उनले बताए ।