तालिबानले अफगानिस्तानमा विजय हासिल गरेपछि आफ्नो पकड थप बलियो बनाएको छ । 

काबुल नियन्त्रणमा लिएपछि तालिबानको हातमा अर्बौं डलर बराबरको घातक हतियार परेको छ ।

उसले रुस र नेटोका हतियार फेला पारेको छ । हतियारको भण्डारमा हेलिकप्टरदेखि लिएर सशस्त्र गाडीसम्म छन् । अफगान सरकारका लागि रुसी हेलिकप्टर उडाउने पाइलटहरू तालिबानको सदस्य बनिसकेका छन् । 

तालिबानको हतियार भण्डारमा अमेरिकी एमआई–२४ अट्याक चपर्स र यूएच–६० ब्ल्याकहोल, रुसमा बनेको एमआई–८ १७ ट्रान्सपोर्ट र ब्राजिलमा बनेको ए–२९ सुपर टुकानो लाइट फाइटरहरू छन् । 

तालिबानसँग सयौं हम्भीहरू पनि छन् । हवाई आक्रमणलाई विफल तुल्याउन तिनीहरूलाई विशेष रूपमा मोडिफाई गरिएको छ । 

शस्त्रभण्डारमा लाखौं गोली, हजारौं ग्रिनेड, रकेट र विस्फोटक सामग्री छन् । यसबाहेक सयौं ट्यांकहरू पनि उसले हात पारेको छ ।