भारतीय जनता पार्टी (भाजपा)का विदेश विभाग प्रमुख डा. विजय चौथाइवालेले नेकपा एमालेका उपमहासचिव विष्णु पौडेलसँग भेटवार्ता गरेका छन् ।

आइतवारदेखि नेपालका विभिन्न नेताहरूसँगको भेटवार्तामा रहेका चौथाइवालेले मंगलवार पौडेलसँग भेटवार्ता गरेका हुन् । 

‘नेकपा एमालेका उपमहासचिव एवं पूर्व उपप्रधानमन्त्री पौडेलसँग भेट भयो । पारस्परिक हितको विभिन्न विषयमा गहिरो छलफल भयो,’ चौथाइवालेले ट्वीटरमा फोटोसहितको सन्देश लेखेका छन् । 

आइतवार प्रधानमन्त्री शेरबहादुर देउवासँग भेटवार्ता गरेका चौथाइवालेले सोमवार एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरेका थिए ।