०९ साउन २०८३, शनिबार
तालिबानका सर्वोच्च नेता हिब्तुल्ला अखुन्दजादा कन्दहारमा भएको र छिट्टै सार्वजनिक हुने बताइएको छ ।
कन्दहारका मुल्ला अखुन्दजादा सन् २०१६ मा अफगान तालिबानका प्रमुख बनेका थिए ।
उनले नै तालिबानको दिशा परिवर्तन गरेर अहिलेको स्थितिमा ल्याइपुर्याएको बताइन्छ ।
सन् १९८० को दशकमा अफगानिस्तानमा सोभियत सेनाको विरोध गर्ने इस्लामी नेतामा अखुन्दजादा पनि थिए । तर उनको छवि सैन्य कमान्डर भन्दा पनि धार्मिक नेताको छ ।
यसैबीच तालिबान प्रवक्ता जबीहुल्लाह मुजाहिदले अफगानिस्तानमा नयाँ सरकार गठनको विषयमा वार्ता चलिरहेको र छिट्टै घोषणा गरिने बताएका छन् ।
यस्तो अवस्थामा मुल्ला अखुन्दजादाले सार्वजनिक भएपछि के भन्ने हुन् भनी धेरैको चासो छ ।
