२२ जेठ २०८३, शुक्रबार
अफगानिस्तानको राजधानी काबुल नजिक विस्फोटक पदार्थ भरिएको कारमा अमेरिकाले ड्रोन आक्रमण गर्दा १० जना सर्वसाधारण मारिएको स्थानीय सञ्चारमाध्यमले पीडित परिवारलाई उद्धृत गर्दै खबर दिएका छन् ।
मारिनेमा कम्तीमा तीन बालबालिका रहेको प्रत्यक्षदर्शीले अलजजीरालाई बताए ।
अमेरिकाको सेन्ट्रल कमान्डले ड्रोन आक्रमणका कारण सर्वसाधारण हताहत भएको खबर आफूले पाएको जनाएको छ । उक्त ड्रोनले कैयौं आत्मघाती आक्रमणकारीलाई प्रहार गरेको उसको भनाइ छ ।
यसको अनुसन्धान थालेको पनि सेन्ट्रल कमान्डले जानकारी दिएको छ ।
गत बिहीवार काबुल विमानस्थलमा इस्लामिक स्टेट खोरासान प्रोभिन्सका एक सदस्यले आत्मघाती आक्रमण गरी १३ अमेरिकी सैनिक सहित १७५ जनाको हत्या गरेपछि अमेरिकाले गरेको यो दोस्रो जवाफी कारवाही हो ।
