२४ जेठ २०८३, आइतबार
पछिल्लो २४ घन्टामा एक हजार ६६४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार २२२ नमूना परीक्षणमध्ये एक हजार ५२३ पीसीआर र १४१ जनामा एन्टिजेन पोजिटिभ देखिएको हो ।
यससँगै नेपालमा हालसम्म ८ लाख ४६ हजार १५२ जनामा कोरोना संक्रमण पुष्टि भएको छ ।
यस्तै पछिल्लो २४ घण्टामा २० जनाको मृत्यु भएसँगै कुल मृत्यु संख्या १० हजार ७५० पुगेको छ ।
मन्त्रालयका अनुसार थप एक हजार ७८६ जना संक्रमणमुक्त भएका छन् ।
यससँगै हालसम्म कोरोना संक्रमणमुक्त हुनेहरूको संख्या ७ लाख १६ हजार ३०६ पुगेको छ ।
हाल मुलुकभर ३५ हजार ५९१ सक्रिय संक्रमित छन् ।
