२२ जेठ २०८३, शुक्रबार
काठमाडौं, १ असार — पश्चिमी लन्डनको ग्रेनफेल टावरमा मंगलवार राति लागेको आगोमा परेका मानिसमध्ये जीवितै भेटिने सम्भावना नरहेको उद्धारकर्ताहरूले बताएका छन् ।
लन्डन फायर कमिस्नर ड्यानी कटनका अनुसार उक्त टावरका भग्नावशेषमा अझै पनि धेरै मानिस अड्किएका हुन सक्छन् ।
मानिसहरू हराइरहेका परिवार र साथीका बारेमा समाचारको प्रतीक्षामा छन् । बाह्रजनाको मृत्युको पुष्टि भइसकेको छ ।
मृत्युको संख्या बढ्ने प्रहरीले चेतावनी दिएको छ ।
प्रधानमन्त्री टेरिजा मेले पूर्ण अनुसन्धानको प्रतिज्ञा गरेकी छन् ।
आगो कसरी त्यति तीव्र गतिमा फैलियो भनी प्रश्न उठ्न थालेका छन् ।
अस्पतालमा ३४ जना छन् र तीमध्ये १८ को अवस्था चिन्ताजनक छ ।
अग्निनियन्त्रकहरूलाई २४ तल्ले टावरमा बुधवार मध्यरातमा बोलाइएको थियो । त्यतिखेर धेरैजना टावरमा सुतिरहेका थिए ।
धेरैलाई छिमेकहरूले वा तल भएको हल्लाखल्लाले उठाएको थियो र उनीहरू भवनबाट भागेका थिए ।
अग्निनियन्त्रकहरूले ६५ वयस्क र बालबालिकालाई उद्धार गरेका थिए तर केही चाहिँ धूँवा र आगोको लप्काका कारण घरैमा फसेका थिए ।
आगो कसरी लाग्यो प्रस्ट हुन सकेको छैन ।
आगलागीका कारण घरवारविहीन भएका मानिसले अस्थायी उद्धारकेन्द्रमा रात बिताएका थिए ।
बीबीसीबाट
