एमाले विभाजनको असर

सुदूरपश्चिमका आर्थिक मामिलामन्त्री शाह र राज्यमन्त्री गहतराजले दिए राजीनामा

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

सुदूरपश्चिमका आर्थिक मामिलामन्त्री शाह र राज्यमन्त्री गहतराजले दिए राजीनामा

सुदूरपश्चिम प्रदेश सरकारका आर्थिक मामिला तथा योजनामन्त्री प्रकाशबहादुर शाह र राज्यमन्त्री अर्चना गहतराजले राजीनामा दिएका छन् ।


Advertisement

पार्टी विभाजनपछि एमालेमै रहेका मन्त्रीद्वयले मंगलवार मुख्यमन्त्री त्रिलोचन भट्टलाई राजीनामा पत्र बुझाएका हुन् ।


Advertisement

एमाले संसदीय दलका नेता समेत रहेका मन्त्री शाह र राज्यमन्त्री गहराज यसअघि माधव नेपाल पक्षमा थिए तर मन्त्रीद्वय शाह र गहतराजले एमालेमै रहने निर्णय गरेपछि पदबाट राजीनामा दिएका हुन् ।

सुदूरपश्चिममा एमाले विभाजन भई बनेको नेकपा एकीकृत समाजवादी सबैभन्दा ठूलो दल बनेको छ । सुदूरपश्चिममा नेकपा माओवादी केन्द्र र एकीकृत समाजवादीको संयुक्त सरकार बन्न पुगेको छ । 


Advertisement

नेकपा एमालेका सभामुखबाहेक २४ मध्ये १४ जना प्रदेशसभा सदस्यले समाजवादीको पक्षमा सनाखत गरेका छन् । जसबाट सबैभन्दा ठूलो दल रहेको नेकपा एमाले प्रदेश सभामा चौथो दलमा झरेको हो ।

अब नेकपा एमालेमा ११ जना प्रदेशसभा सदस्य मात्रै रहेका छन् । 

अब ५२ सदस्यीय प्रदेश सभामा एकीकृत समाजवादीका १४, माओवादी केन्द्रका १३, कांग्रेसका १२, एमालेका १० र जनता समाजवादी र लोकतान्त्रिक समाजवादी पार्टी नेपालका १/१ जना प्रदेशसभा सदस्य रहेका छन् ।

लखन चाैधरी
लखन चाैधरी

लेखकबाट थप...

कमेन्ट गर्नुहोस्