०८ साउन २०८३, शुक्रबार
एमालेले असोजको १५, १६ र १७ गते काठमाडौंमा आयोजना गर्न लागेको विधान अधिवेशनमा सहभागी हुने प्रतिनिधिको टुंगो लगाएको छ ।
विधान अधिवेशनमा करीब तीन हजार प्रतिनिधिलाई सहभागी गराउने गरी स्थायी कमिटीको बैठकले प्रतिनिधित्वको क्षेत्र टुंगो लगाएको हो ।
एमालेको राष्ट्रिय प्रतिनिधि परिषदका सदस्यहरू नै विधान अधिवेशनको प्रतिनिधि हुने व्यवस्था थियो । तर, अहिलेसम्म राष्ट्रिय प्रतिनिधि परिषद् नबनेको हुँदा विधानको बाधा अड्काउ फुकाउको व्यवस्थाबाट विधान अधिवेशनको प्रतिनिधि टुंगो लगाउन लागिएको एमालेका सचिव एवं प्रचार विभाग प्रमुख योगेश भट्टराईले जानकारी दिए ।
शनिवार ललितपुरको च्यासलस्थित तुलसीलाल स्मृति प्रतिष्ठानमा बसेको एमाले स्थायी समिति बैठकले विधान अधिवेशनमा प्रतिनिधित्वको क्षेत्र टुंगो लगाएको हो । उक्त प्रस्तावलाई केन्द्रीय कमिटीबाट अनुमोदन गरी बाधा अड्काउ फुकाउने निर्णय स्थायी कमिटीमा भएको भट्टराईले जानकारी दिए ।
एमालेको नवौँ महाधिवेशनपछि राष्ट्रिय प्रतिनिधि परिषद् नबन्दै एमाले र माओवादी केन्द्र एकीकरणपछि नेकपा बनेको थियो । २०७७ फागुन २३ को सर्वोच्च अदालतको फैसलापछि पुनः साविकको पार्टीमा फर्किएको एमाले विधान अधिवेशनमा सहभागी हुने प्रतिनिधिको लागि विधानका भएको बाधा अड्काउ फुकाउको व्यवस्थामार्फत् विधान अधिवेशनको प्रतिनिधि तय गर्न लागेको हो ।
विधान अधिवेशनमा को-को हुन पाउँछन् प्रतिनिधि ?
