स्याङ्जा प्रशासन देशभरमै चौथो

गृह मन्त्रालयले गरेको कार्यसम्पादन मूल्यांकनका आधारमा जिल्ला प्रशासन कार्यालय स्याङ्जा गण्डकी प्रदेशमै पहिलो भएको छ ।


Advertisement

गृहसचिव र ७७ वटै जिल्लाका प्रमुख जिल्ला अधिकारीबीच आर्थिक वर्ष २०७७/७८ का लागि भएको कार्यसम्पादन सम्झौता कार्यान्वयनको गृह मन्त्रालयबाट मूल्यांकन हुँदा स्याङ्जा गण्डकीमा प्रथम र देशैभरमा चौंथो भएको स्याङ्जाका प्रमुख जिल्ला अधिकारी दीपकराज नेपालले जानकारी दिए ।


Advertisement

‘प्रत्येक आर्थिक वर्षको शुरूआतमा गृह मन्त्रालय र जिल्ला प्रशासन कार्यालयबीच कार्यसम्पादन सम्झौता हुन्छ,’ प्रजिअ नेपालले भने, ‘मन्त्रालय र प्रशासन कार्यालयबीच विभिन्न ६ वटा सूचक तथा उपसूचकको कार्यान्वयनलाई मूल्यांकनको आधार बनाउने गरिन्छ ।’

सम्झौता भएका सूचक तथा उपसूचकलाई आधार बनाउँदै जिल्ला प्रशासन कार्यालय स्याङ्जाले वर्षभरिको कार्ययोजना बनाएर कार्यान्वयन गरेसँगै सफलता मिलेको स्याङ्जाका सहायक प्रमुख जिल्ला अधिकारी हरि शर्माले बताए ।


Advertisement

गृह मन्त्रालयले शान्ति सुरक्षा, विपद् व्यवस्थापन, सेवा प्रवाह, लेखा व्यवस्थापन लगायतका विभिन्न ६ वटा सूचक र उपसूचकहरूको अंकभारका आधारका मूल्यांकन गर्दै आएको छ । चालू आवका लागि पनि गृह मन्त्रालय र जिल्ला प्रशासन कार्यालय स्याङ्जाबीच कार्यसम्पादन सम्झौता भइसकेको छ ।

कमेन्ट गर्नुहोस्