पहिरो निरीक्षणका लागि बुटवल उपमहानगरपालिका–३ ज्योतिनगर पुगेका बुटवलका नगर प्रमुख (मेयर) तथा एमाले रूपन्देही अध्यक्ष शिवराज सुवेदीलाई मुक्का प्रहार गर्ने एमाले कार्यकर्ता रहेको खुलेको छ । 

ज्योतिनगरका स्थानीय गणेश पंगेनीले मेयर सुवेदीलाई सोमवार बिहान मुक्का हानेका थिए । सुवेदी पनि एमालेबाट निर्वाचित मेयर हुन् ।

उनी लुम्बिनी वाणिज्य क्याम्पसमा अध्ययनरत अनेरास्ववियू जिल्ला कमिटी सदस्य हुन् । 

विद्यार्थी राजनीति गर्दै आएका उनले पहिरोले पीडित बनाउँदा स्थानीय सरकारले पहिरो व्यवस्थापनमा चासो नदिएकाले मुक्का हानेको जनाएको प्रहरीले बताएको छ । उनी पहिरो पीडित रहेको बताइएको छ ।