२२ जेठ २०८३, शुक्रबार
अफगानिस्तानमा महिलाहरूले तालिबानका विरुद्ध अन्लाइन विरोध अभियान चलाउन थालेका छन् ।
तालिबानले महिला विद्यार्थीका लागि कठोर नियम लागू गरेपछि विरोधस्वरूप महिलाहरूले यो अभियान चलाएका हुन् । उनीहरूले परम्परागत रंगीचंगी वस्त्र लगाएर तस्वीर खिचिरहेका छन् ।
फोटोसँगै उनहिरूले डन्टटचमाईक्लोद्स र अफगानकल्चर ह्याशट्याग पनि उपयोग गरिरहेका छन् ।
सत्तामा पुनः आएपछि तालिबानले महिलाका लागि कलेज र निजी विश्वविद्यालयमा नयाँ ड्रेस कोडको घोषणा गरेका छन् । शिक्षा मन्त्रालयले सेप्टेम्बर ५ मा जारी गरेको दस्तावेजअनुसार, महिला विद्यार्थी, शिक्षक र कर्मचारीले कपाल, शरीर र अनुहारको अधिकांश भाग ढाक्ने अबाया वा निकाब लगाउनुपर्छ । ती वस्त्रहरू कालो हुनुपर्छ र महिलाले हात छोप्न पञ्जा पनि लगाउनुपर्छ ।
त्यस्तो कालो लुगाभन्दा अफगानिस्तानको परम्परागत रंगीचंगी वस्त्र धेरै राम्रो भएको सन्देश दिन महिलाहरूले अन्लाइन विरोध प्रदर्शन गरिरहेका हुन् ।
