काठमाडौं, १५ पुस–काठमाडौंको होटल अन्नपूर्णमा आयोजित एक कार्यक्रममा ४० भन्दाबढी कलाकार एकैसाथ पुरानादेखि नयाँ पुस्ताका कलाकार एकैसाथ र्यापमा, भव्य देखियो प्रस्तुति पुरानादेखि नयाँ पुस्ताका कलाकार एकैसाथ र्यापमा उत्रिएका छन् ।
‘दी सेलिब्रेटी रनवे २०१६’ नाम दिइएको र्याप कार्यक्रम सञ्चालकले तीन पुस्ता भन्दै कलाकार आमन्त्रण गरेका थिए ।
पहिलो पुस्ताका कलाकार तुलसी घिमिरे, भुवन केसी, विजय लामा, बसुन्धरा भुसाल, भुवन चन्द, सरोज खनाल, सुभद्रा अधिकारी लगायत स्टेजमा देखिएका थिए ।
त्यस्तै निखिल उप्रेती, सञ्चिता लुइँटेल, केकी अधिकारी, शुशील श्रेष्ठ, गौरव पहारी, वर्षा राउत, नाजिर हुसेन, पुष्पल खड्का, दीपाश्री निरौला, सञ्चिता लुइँटेल लगायतका दोस्रो र तेस्रो पुस्ताका कलाकार पनि स्टेजमा देखिएका थिए । स्टेज प्रस्तुतिमा सबैले आफ्नो फेसनका साथै सुहाउँदो गीतमा प्रस्तुति पनि देखाएका थिए ।
पुनम इन्टरटेनमेन्ट र गौरी मल्लको सयुंक्त आयोजनामा भएको उक्त कार्यक्रममा रेखा थापाले दुई वटा गीत गाएकी थिइन् । त्यस्तै अर्का उपस्थित कलाकार सन्दिप क्षेत्रीले पत्रकारहरुले स्टेजमा बोल्दै दर्शक तथा सेलिब्रेटीलाई हँसाएका थिए । पुराना तथा नयाँ कलाकारलाई एकैसाथ स्टेजमा उभ्याएर गरिएको कार्यक्रमको धेरैले प्रशंसा गरेका थिए ।
