एनआईसी एशिया बैंकले आफ्नो भाइबर स्टिकर सार्वजनिक गरेको छ ।

हालसम्म ४८ हजार भन्दा बढी सदस्यहरू जोडिएको भाइबर कम्युनिटीमार्फत ग्राहकहरूको उपस्थितिलाई प्रवद्र्धन गर्ने अभिप्रायले ‘एनआईसी एशिया भाइबर क्वीज बज’समेत सञ्चालनमा ल्याएको छ । 

दैनिक सहभागी भई भाइबर प्रयोगकर्ताहरूले दैनिक तथा साप्ताहिकरुपमा आकर्षक उपहारहरू जित्न सक्ने बैंकले जनाएको छ ।

असोज १४ देखि कात्तिक १० गतेसम्म सञ्चालन हुने यस क्वीज बजमा दैनिक सहभागी भई त्यहाँ सोधिने सामान्य प्रश्नको सही जवाफ दिने एक जनाले साप्ताहिक रुपमा आकर्षक स्मार्टवाच जित्न सक्नेछन् । हरेक दिन ४ जनाले ५०० रूपैयाँको मोबाइल रिचार्जसमेत जित्न सक्ने बैंकले जनाएको छ । 

यसका लागि यस बैंकको भाइबर कम्युनिटीमा जोडिई त्यहाँ रहेको यस बैंकका भाइबर स्टिकर डाउनलोड गर्नुपर्ने हुन्छ ।

प्रतियोगिताअन्तर्गत सोधिने प्रश्नमा दिइएका चार वटा विकल्पहरू मध्येबाट सहभागीहरूले सही जवाफ दिनुपर्ने हुन्छ । बहुसंख्यक सहभागीहरूबाट सही उत्तर आएको खण्डमा गोलाप्रथाबाट विजेता छनौट गर्ने व्यवस्था गरिएको बैंकले जनाएको छ । 

भाइबर कम्युनिटीमा जोडिन सबैभन्दा पहिले भाइबरभित्र सर्च बक्समा गई यस बैंकको नाम एनआईसी एशिया बैंक खोज्नुपर्ने हुन्छ । जसमार्फत यो योजनामा सहभागिता जनाउन सकिनेछन् । साथै बैंकका पछिल्ला योजना, छुट तथा सूचना, सेवा एवं सुविधाजस्ता गतिविधिको बारेमा पनि जानकारी प्राप्त गर्न सकिने बैंकले जनाएको छ ।