२३ जेठ २०८३, शनिबार
माओवादी केन्द्रको भ्रातृ संगठन अनेरास्ववियू (क्रान्तिकारी) को २२ औं राष्ट्रिय सम्मेलन अन्तर्गत शुक्रबारदेखि बन्दसत्र सुरु भएको छ । बबरमहलस्थित कार्की पार्टी प्यालेसमा सुरु भएको बन्द सत्रमा आज नेताहरु नारायणकाजी श्रेष्ठ , देवप्रसाद गुरुङ र शक्तिबहादुर बस्नेतले समसामयिक विषयमा प्रशिक्षणमुलक मन्तव्य राखेको प्रचारप्रसार उपसमितिका प्रमुख सुरेन्द्र बस्नेतले जानकारी गरेको विज्ञप्तिमा उल्लेख छ ।
वन्द सत्रमा अध्यक्ष रञ्जित तामाङले राजनीतिक तथा सांगठनिक प्रतिवेदन पेश गरेका छन् । सो प्रतिवेदन उपर छलफल गर्न विभिन्न जिल्ला मिलाएर ११ वटा समुह बनाइएको बस्नेतले जानकारी दिए ।
प्रतिवेदन पारित भएपछि नेतृत्व चयन प्रक्रिया अघि बढ्ने छ । सम्मेलनले अध्यक्ष , ३ खुला उपाध्यक्ष , ४ समावेशी उपाध्यक्ष , एक महासचिव , दुई उपमहासचिव , प्रदेशबाट ८ सचिव , समावेशीवाट ५ सचिव र एक कोषाध्यक्ष गरेर २५ सदस्यीय पदाधिकारी तथा १९९ सदस्यीय केन्द्रीय समिति निर्वाचित गर्नेछ।
