०२ असार २०८३, मंगलबार
पाकिस्तानको क्वेटामा बिहीवार आएको भूकम्पमा परी कम्तीमा २० जनाको मृत्यु भएको छ । ठूलो संख्यामा मानिस घाइते भएका छन् ।
भूकम्पको तीव्रता ५.७ म्याग्निच्युड छ ।
भूकम्प स्थानीय समयअनुसार बिहान ३ बजेतिर आएको थियो । घरमा सुतिरहेका मानिस ज्यान जोगाउन हतारहतार बाहिर निस्केका थिए ।
विपत् व्यवस्थापन अधिकारीहरूले मृतकको संख्या बढ्न सक्ने बताएका छन् ।
राज्य सरकारका वरिष्ठ अधिकारी सुहैल अनवर हाशमीले छत र भित्ता लडेकाले कैयौं पीडित मारिएको बताए ।
उद्धार कार्य जारी छ ।
भूकम्पका कारण आत्तिएका मानिसको तस्वीर सामाजिक सञ्जालमा देखिएको छ । कम्तीमा २०० जना घाइते भएकोमा उनीहरूलाई नजिकैका अस्पताल लगिएको छ ।
